[~] الرصاصة لا تزال في جيبي.. [~]

السلام عليكم ورحمة الله و بركاته..

*****

بادء ذي بدء .. ادعو لكم و لي بالهداية..

وبأن تعلموا أن أولئك الذين يضعون فوق لحمهم الغض شعار تونس الغالية..

واجب محاسبتهم فردا فردا أمام هيئة غير رياضية..

يا ناس بالك احنا غالطين..

ياخي لازمنا لينات 3D بش نفهموهم الخلق هاذم؟

هاذية وحدة..

*****

فتح أحد الإخوة موضوعا حول تحضيرات تونس..

فذيلته برد جاء فيه " لكني لم أستطع نسيان ملحمة الموزمبيق"..

مشرف مار يتمشى على ضفاف الفوروم لمح تعليقي فقام بحذفه..

ولا أخفيكم سرا.. وجدت له ألف عذر.. من أولها غيرة يحملها على المنتخب..

لم ولن أستطيع لومه.. لكن السيل بلغ الزبى..

هذه ثانية..

*****

وصلت الوقاحة ببعضهم بالمجاهرة بالمجون والكبر والريق البارد..

ياخي مايخافو من حد هاذم ولا كيفا؟

قلنا.. دعهم يلعبون.. لعل الأمور تتحسن بمرور الوقت..

اخواني..

هؤلاء ادخلوا كرتنا في العصر الجليدي..

2014 ؟ أعيا ونتي تقبض..

هذه ثالثة..

*****

كان مكملين هاكا أية نحي علينا الكورة و صبولنا كي الفليسات في المستشفيات ودور الأيتام..

منتخب من المؤلفة قلوبهم..

لابسين مريول تونس تقول لابسين مريول خلعة..

هذه رابعة..

*****

كان جاهم جمهور..

كيفاش.."والله ضغط خاطر نلعبو في بلادنا وقدام جمهورنا.."

كان مجاش.." نطلبو من الجمهور بش يجي بأعداد وافرة و يكون المشجع رقم 12..؛"

ملا حالة مكربة..

عنا لاعبين من طينة خاصة..

بربي كيفاش كوارجي وميحملش الضغط النفسي..

تي برى أهوكة الشطرنج و مسرح الدمى وسيب صالح..

يزي مرجتونا..

الله يذكر بالخير إلي قال.. الدلال يخلف الهبال..

هذه خامسة..

*****

"ألو.. أية جاي..؟"

Mais vous allez jouer contre qui؟

"كحالش كحالش"

"ah non chui desolé je ne peux pas moi ..

**

"ألو.. أية جاي..؟"

Mais vous allez jouer contre qui ؟

"فرنسا"

ah contre la patrie .. wé bsur

بالك وكالة البلح بربي و ما فيبالناش؟

غريبة كايني ريتو فوق العشب اليوم ..

هذه سادسة..

*****

منو هاكا اربحوا ليكم وإخسروا ليكم ..

بح الجمهور بح ..

إلى حين تقديم دليل حتى صغير على الجدية ..

كي زواولة الكرة الأرضية .. نفركسو على بصيص أمل نفرحوا بيه.. حرام فينا ياخي؟

معناها القمة..: خيبة.. وفي طمبك مونديال إلي انتم مترشحتولوش...

!!!

ههه.. شي يبكي القضية..

هل ضاع الضمير الكروي بين القوارير وحصص التمسيد؟

*****

خسئتم..

جاري إعداد القصائد والموشحات لهجائكم..

تا تشوفو كيفاش اللعب..

كان لزم ما نعمل دار نشر وجريدة في جرتكم..

والتغيير قادم..

والسلام..