وجهة نظر سبب الخسارة

جيرانا التوانسة ارجوا ان تقبلوا تدخلي في شؤون منتخبكم لاني حاسس بلي راهوا منتخب انتاعي وبدون مجاملة النعاس طار اعليا من شدة الحمايص

المهم انا حسب رايي ان السبب الرئيسي في هذه الخسارة هو توقيت المباراة حيث تزامنت مع الادوار الحاسمة في المونديال والله عجب واش راه يصرى في الكاف كيفاش المونديال يلعب في افريقيا لاول مرة والتصفيات التمهيدية تجري في نفس الوقت

كاين ناس تقولي خلينا من الاعذار الواهية انا نقلك فهمني كيفاش جوارات تقدر تركز في وقت كيما هكا الناس كامل لاهيين يحللوا في مقابلة البرازيل و هولندا حتى المدرب واللاعبين نتاعكم راهم يستناو في هدا الماتش اكثر من الماتش انتاعهم

وهناك ملاحظة فقط نفس الشيء حدث للمتخب الجزايري كي لعبنا مع ملاوي وهزينا بالثلاثة لاننا لعبنا في توقيت لم يلعب فيه اي منتخب ونفس الشيء حدث مع تونس الي لعبت في توقيت لم يلعب فيه اي منتخب كذلك

ارجوا ان يعجبكم الموضوع وتكون المناقشة هادفة بدون ردود صبيانية